இளைய தலைமுறைக்கு

வருங்கால தலைமுறைக்கு எனக்கு தெரிந்த சில தன்னம்பிக்கையூட்டும் விடயங்களை பகிர்ந்து கொள்ளலாமென நினைக்கிறேன்.

மாணவப் பருவம் :

இந்த பருவம் மிக முக்கியமான பருவம், ஒவ்வொரு பிள்ளைகளின் எதிர்காலத்தை நிர்ணயிக்க கூடிய பருவம். இப்பருவத்தில் எடுத்து வைக்கு ஒவ்வொரு அடியும் முக்கியமானவை. ஒவ்வொரு பெற்றோர்களும் தம் பிள்ளைகளுக்கு உறுதுணையாக இருந்து அவர்களின் வாழ்கையின் படிக்கட்டுகளில் முறையாக ஏற வழி செய்வோமையானால் வெற்றி நிச்சயம். சரி இவ்வளவு முக்கியமான பருவத்தை எப்படி அணுகுவது  என்பதை இந்த விடியோவில் பார்த்துவிட்டு மீதியை கீழுள்ள தலைப்பிலே பார்க்கலாம்.

திட்டமிடுதலும் நேர நிர்வாகமும்:

பொதுவாக எந்த ஒரு செயலை செய்ய நினைத்தாலும் அதை ஒரு திட்டத்துடன் அணுகும்போது அதில் வெற்றியும் கிடைக்கிறது, நேரத்தையும் மிச்ச படுத்துகிறோம், எனவே இங்கே நேரமும் மிக முக்கிய வாய்ந்ததாக இருக்கிறது, நாம் எதற்கெடுத்தாலும் நேரமில்லை நேரமில்லை என்ற புராணத்தை விட்டு விட்டு, கிடைத்த நேரத்தை சரியாக பயன்படுத்தி பாருங்கள் அப்பொழுது புரியும் நேரத்தின் அருமை. எந்த ஒரு விஷயத்தையும் தள்ளி போடகூடாது.நமக்கு முன் சாதிதவர்களுக்கும் இதே நேரத்தைத்தான் இறைவன் கொடுத்திருக்கிறான், அவர்களால் மட்டும் எப்படி சாதிக்க முடிந்தது. இவ்வளவு நேரத்தில் இத்தனை வேலைகள் முடிக்கிறோம் என்பது முக்கியமல்ல, இந்த நேரத்தில் என்னென்ன  முக்கியமான வேலைகளை திட்டமிட்டு முடித்தீர்கள் என்பதுதான் முக்கியம். ஆக காலையில் எழுந்தது முதல் இரவு உறங்கும் வரை அவனுடைய ஒவ்வொரு வினாடியும் முக்கியமானதாக இருக்கிறது. ஆக இந்த பழக்கத்தை மாணவ பருவத்திலேயே செயல் படுத்த துவங்குவோமேயானால் வெற்றி உங்கள் காலடியில்.

தேடலும் விடாமுயற்சியும்:  

”தேடல் என்பது உள்ளவரை வாழ்வில் ருசி இருக்கும்,| ஆக தேடி கிடைக்கும் ஒவ்வொன்றின் மூலமாக நாம் அடையும் சந்தோஷத்திற்கு அளவே இருக்காது. தேடலும் விடாமுயற்சியும் எவனிடம் இல்லையோ, அன்றே அவன் வாழ்கையில் பின்னோக்கி பயணிக்கிறான். சாதித்தவர்களின் சுயசரிதையை கொஞ்சம் புரட்டி பாருங்கள் அவர்கள் அடையாத கஷ்டங்கள் இல்லை, அவர்களின் வாழ்கையில் தேடலும் விடா முயற்சியும் தான் அவர்களை இந்த நிலைக்கு உயர்த்தி இருக்கிறது. ஆக வாழ்க்கையில் அடைய போகும் இலக்கு என்னவென்று முடிவெடுத்து கொண்டு அடைவதற்குண்டான வழிகளை வெகுவாக யோசிக்க வேண்டும், அடைய போகும் இலக்கை பெரிதாக யோசியுங்கள் அவைகளில் நமக்கு கொஞ்சம் கிடைத்தாலும் வெற்றிதான். 

இதை பற்றி நிறைய எழுத வேண்டுமென ஆசை, ஆகையால் அடுத்த  அடுத்த கட்டுரையில் பார்க்கலாம்